2024 жылдың 24 қазанында Астана қаласында «Үздік педагог-2024» республикалық байқауының жеңімпаздарын марапаттау рәсімі өтті. Байқаудың мақсаты – ерекше шығармашылық көзқараспен жұмыс істейтін, оқушыларының интеллектуалды-шығармашылық әлеуетін дамытатын талантты және нәтижелі мұғалімдерді анықтау.

Биыл аудандық/қалалық кезеңге Солтүстік Қазақстан облысынан 87 педагог қатысты. Облыстық кезеңге 24 педагог өтті, ал республикалық кезеңге 11 педагог қатысып, олардың ішінде республикалық байқау комиссиясының шешімі бойынша жоғары нәтижелерді Петропавл қаласындағы «ЛОРД» дарынды балаларға арналған облыстық мамандандырылған мектеп-лицей-интернатының химия пәнінің мұғалімі Мига Татьяна Владимировна және «Солтүстік Қазақстан жоғары кәсіби-педагогикалық колледжі» КМҚК арнайы пәндер оқытушысы Мағауин Алпамыс Сағитович көрсетті. Әсіресе, екі рет осы жоғары атаққа ие болған Есім Шайкин атындағы мектеп-лицейінің биология пәнінің мұғалімі Кособоков Алексей Владимировичті ерекше атап өткіміз келеді.

Бұл жеңіс — біздің педагогтарымыздың жеке жетістігі ғана емес, сонымен қатар бүкіл Солтүстік Қазақстан облысы үшін маңызды оқиға. «Үздік педагог-2024» байқауы тәжірибе мен идеялармен алмасудың платформасына айналды, онда қатысушылар өздерінің үздік әдістерін көрсете алды. Осы шараның маңызды аспектілерінің бірі — әрбір педагогтың өз әріптестерінен шабыт алу мүмкіндігі, бұл олардың өсуіне және дамуына мүмкіндік береді.

2012 жылдан бері облысымыздың 40 педагогы «Үздік педагог» жоғары атағына ие болды. Мұндай байқаудың жеңімпазы үздіксіз шығармашылық ізденісте жүрген, кәсіби дағдыларын жетілдіріп, пәнін жоғары деңгейде үйрететін ұстаз бола алады.

Биылғы жеңімпаздарға шығармашылық жігер мен педагогикалық қызметте табыстар тілейміз, ал қалғандарына жеңіске және жоғары нәтижелерге ұмтылуды тілейміз!