2022 жылдың 22 тамыз күні «№7 орта мектеп» КММ базасында «Функционалдық сауаттылықты қалыптастырудағы «Информатика» пәнінің рөлі» атты информатика пәні мұғалімдерінің облыстық секциялық отырысы өтті.

Секцияға қатысқандар: М.Қозыбаев ат. СҚО «Математика және информатика» кафедрасының аға оқытушысы – Копнова О.Л., информатика мұғалімдері қауымдастығының мүшелері, білім бөлімдерінің әдіскерлері. Отырыстың күн тәртібіндегі өзекті мәселелер: 2022-2023 оқу жылына информатиканы оқытудың ерекшеліктері, функционалдық сауаттылықты қалыптастыру, дарынды балалармен жұмыс, инклюзивті білім беру жағдайында жұмыс. Баяндамашылар өздерінің педагогикалық тәжірибелері мен қарастырылып отырған мәселелердің әдістемелік шешімдерін ұсынды.

Іс-шараның соңында қатысушылар алған әсерлерімен бөлісіп, мұғалімдердің қызықты тәжірибесін атап өтті.