Ағымдағы жылдың 17 тамызында республикалық тамыз конференциясы шеңберінде «Оқушылардың функционалдық сауаттылығы-білім беру сапасын арттырудың басты факторы» тақырыбы бойынша СҚО физика мұғалімдерінің секция отырысы өтті.

Отырыс жұмысына М. Қозыбаев атындағы СҚУ «Математика және жаратылыстану ғылымдары» факультетінің «Физика» кафедрасы меңгерушісі С.Сартин сонымен бірге аудандық және қалалық білім бөлімдерінің әдіскерлері, физика мұғалімдері қауымдастығының мүшелері қатысты.

Күн тәртібінде ең өзекті мәселелер талқыланды. Олар: 2022-2023 оқу жылында физиканы оқыту ерекшеліктері, оқушыларды халықаралық PISA зерттеулер мен олимпиадаларға дайындау және әрекеттегі зерттеушілік жұмыстарының бағыттары.

М. Қозыбаев атындағы СҚУ өкілі С. А. Сартин өз сөзінде оқушылардың олимпиадаларға дайындығын күшейтуді ескерді және есептерді шешуде жиі кездесетін қателіктері мен шешу жолдарын атап өтті, сондай-ақ олимпиадаларға дайындық кезінде мұғалімдерге көмек көрсету бойынша ұсыныс айтты.

Интерактивте өткен отырыс барысында спикерлер өздерінің педагогикалық технологиялары мен қаралатын мәселелердің әдістемелік шешімдерін ұсынды.

Секция жұмысының қорытындысы М.Қозыбаев атындағы СҚУ-мен бірге дарынды балалармен жұмыс жүйесін ұйымдастыру және іс-әрекетте зерттеулер жүргізу үшін шығармашылық зертхана құру бойынша ұсыныстар әзірлеу.