Жаңа оқу жылы қарсаңында 2022 жылғы 10 тамызда «Мектепке дейінгі тәрбие мен оқытуды дамытудың жаңа моделін енгізу: мазмұнды сапалы жаңарту» атты Республикалық тамыз конференциясының панельдік сессиясы өтті. Білім министрі Асхат Аймағамбетов қатысуымен өткен пленарлық мәжілісте мектепке дейінгі білім беру саласындағы өзекті шара талқыланды.

Нұр-Сұлтан қаласындағы Оқушылар сарайында өткен шараға еліміздің барлық өңірлерінен 300-ден астам мұғалім қатысып, бейнеконференцбайланыс режимінде де көрсетілді. Отырыс барысында 2022-2023 оқу жылына арналған мектепке дейінгі білім беру жүйесін дамытудың негізгі бағыттары қарастырылып, дәлелденген және ұсынылған жаңалықтарды одан әрі тарату бойынша шешімдер әзірленді.«Білімді ұлт» жобасын жүзеге асыру аясында мемлекеттік білім беру тапсырысын орындау ,мектепке дейінгі ұйымдарды лицензиялау, мектепке дейінгі ұйымдар педагогтерінің біліктілігін арттыру мәселелері талқыланды.

Алдағы оқу жылына арналған жаңа элементтер:

- баланың жан-жақты дамуына, ойын, дағдыларына негізделген мектепке дейінгі тәрбие мен оқытудың Мемлекеттік стандарты бекітіліп;

- тәрбиешінің іс-әрекетіне қойылатын талаптар нақтыланған.