2022 жылғы 16 маусымда онлайн форматта Облыстың ресурстық орталықтары қауымдастығының қорытынды отырысы өтті, оған білім беру бөлімдерінің әдіскерлері, ресурстық және магниттік мектептердің басшылары қатысты.

Отырыс барысында қауымдастықтың 2021-2022 оқу жылындағы қызметіне талдау жасалды, перспективалық жұмыс жоспарлары белгіленді.

Ағымдағы оқу жылында облыстың ресурстық орталықтары арасында тәжірибе алмасу бойынша бірқатар іс-шаралар өткізілді, олардың ішінде 2022 жылғы 28 сәуірде Есіл ауданы Корнеев орта мектеп базасында штаттық форматта өткен облыстық семинарды атап өткім келеді. Аталған іс-шараға 27 ресурстық орталықтан 50-ден астам педагог қатысты.

Сондай-ақ, 2022 жылдың 6 маусымында Ы.Алтынсарин атындағы Ұлттық академияның сарапшысы, профессор С.С. Контаевтың бастамасымен Бексейіт магниттік мектебі базасында Мамлют тірек мектебі (ресурстық орталық) және Бостандық магниттік мектебінің қатысуымен шоғырланған семинары өткізілді. Семинарға қатысушылар іс-шараның пайдалы екенін атап өтіп, болашақта осындай семинарларды өткізу туралы бастаманы бірауыздан қолдады.

Қауымдастық мүшелері Қарағанды облысының ресурстық орталықтарымен өзара тәжірибе алмасу туралы ұсыныстар енгізді. Жаңа оқу жылында жұмысты жоспарлау бойынша ұсыныстар берілді.