2022 жылдың 1 ақпаны мен 18 наурызы аралығында көрнекті тарихи тұлғалардың, белгілі мемлекет және қоғам қайраткерлерінің, көрнекті ғалымдардың, халық жазушыларының есімдері жазылған жалпы білім беру ұйымдарына, техникалық және кәсіптік білім беру ұйымдарына арналған «ЕСІМІ – ЕЛДІҢ ЕСІНДЕ» атты облыстық «Үздік бейнеролик» байқау өтті.

Бұл байқауға 30 оқу орны, техникалық және кәсіптік білім беру ұйымдары қатысты.

Бұл сайыстың мақсаты – патриоттық сезімге тәрбиелеу және өзінің білім беру ұйымына, ұстаздарына, мектеп дәстүріне деген құрметті арттыру. Оқушыларды белсенді қоғамдық өмірге баулу болып табылды.

Барлық қатысушыларға алғысымызды білдіреміз. Жеңімпаздар мен қатысушылар дипломдармен және сертификаттармен марапатталады.