2022 жылдың 26 қаңтар күні "Педагогикалық қоғамдастық - мектепке дейінгі тәрбие мен оқыту сапасын арттыру факторы" тақырыбында "Шырақ" атты мектепке дейінгі ұйымдар педагогтар қауымдастығының кезекті отырысы онлайн-форматта өтті.

СҚО Білім басқармасының бірінші басшысы Н.А. Жәшібековпен сындарлы диалогта өңірдегі мектепке дейінгі білім беру жүйесінің негізгі мәселелер және маңызды сұрақтар талқыланды. Іс-шара қызығушылық атмосферасында өтті, қатысушылар өз тәжірибелерімен бөлісті, өздерін қызықтырған көптеген сұрақтарға жауап алды, әрі қарай кәсіби даму жолдарын айқындады.

Білім басқармасының басшысы қауымдастықтың алдына бірқатар міндеттер жүктеді:

мектепке дейінгі жастағы балалармен ерте кәсіптік бағдарлау бойынша жұмысты күшейту;

мектепке дейінгі білім мен бастауыш білім берудің сабақтастығы мен үздіксіз білім алуын қамтамасыз ету жұмыстарын жүйелі түрде жалғастыру;

ерекше білім беру қажеттілігі бар балалардың сәтті бейімделуі және оқу үрдісіне араласуына жағдай жасау арқылы инклюзивті білім беру бойынша жұмысты жандандыру, тиімді тәжірибелерді іздеу, енгізу;

педагог жетістіктерінің ақпараттық–педагогикалық банкін құру, озық педагогикалық тәжірибені тарату.

Іс-шараға облысымыздың мемлекеттік және жеке мектепке дейінгі білім беру ұйымдарының жүзден астам педагогі қатысты.