Мемлекет басшысы Жолдауында білім беру саласындағы өзекті мәселелерге ерекше тоқталды.

Президент инклюзивті білім беруді дамыту, ерекше білім беру қажеттіліктері бар балаларға тең мүмкіндік жасау, қажетті инфрақұрылымды жетілдіру және білікті мамандар тапшылығын азайту міндеттерін атап өтті.

Сонымен қатар, педагогтердің кәсіби қызметіне кедергі келтіретін артық есептілік пен қағазбастылықты азайту қажеттігін баса айтты.

Ұстаздың басты миссиясы – балаға сапалы білім беру және саналы ұрпақ тәрбиелеу. Осыған орай мұғалімнің құқықтары мен қадір-қасиетін қорғау, қоғамдағы абырой-беделін нығайту, мектептегі барлық тараптың жауапкершілігін арттыру маңызды.

✨ Әр балаға тең мүмкіндік, әр ұстазға құрмет және сапалы білім беру – білім беру жүйесінің басты басымдықтары.