Қазіргі заманғы білім беруде жасанды интеллектті ең алдымен мұғалімнің сенімді көмекшісі, педагогтың кәсіби мүмкіндіктерін кеңейтетін, шығармашылық ізденісін қолдайтын және оқу үдерісінің тиімділігін арттыратын құрал ретінде қарастыру қажет.

Ағымдағы жылдың 30 қаңтарында мұғалімдердің кәсіби құзыреттілігін арттыру және білім беруде жасанды интеллектті жауапты әрі этикалық тұрғыда қолдану мәдениетін қалыптастыру мақсатында химия және биология пәні мұғалімдерінің «ШЕБЕРЛІК» облыстық Қауымдастығының «Химия және биология мұғалімінің жұмысындағы ЖИ-құралдар: білім сапасын арттырудың жаңа мүмкіндіктері» тақырыбында онлайн-отырысы өтті.

Спикерлер, облыс педагогтері ЖИ-ті сабақ жоспарлауда, оқу материалдарын әзірлеуде, үдерістерді визуализациялауда, оқытуды саралауда және білім алушылардың жетістіктерін бағалауда қолдану бойынша практикалық кейстерімен, тәжірибелерімен және тиімді әдістемелік табыстарымен бөлісті. Кездесу қорытындысы бойынша білім алушылардың жас ерекшеліктері, жеке талаптарын ескере отырып, ЖИ-ті сабақта және сабақтан тыс уақытта интеграциялау, әртүрлі деңгейдегі білім алушыларды қолдау және тапсырмаларды саралау үшін қолдану жөнінде ұсынымдар берілді.