Бірінші қалалық жалпы білім беретін IT-лицейге – 35 жыл!

Әдістемелік орталық Бірінші қалалық жалпы білім беретін IT-лицейдің педагогикалық ұжымын, білім алушыларын және түлектерін оқу орнының 35 жылдық мерейтойымен шын жүректен құттықтайды. Бұл – табысты қызметтің, тұрақты дамудың және инновацияларды жүйелі енгізудің жарқын белесі.

Өз қызметі барысында лицей заманауи білім беру саласындағы жетекші ұйымдардың бірі ретінде қалыптасып, болашаққа бағытталған стратегиялық көзқарасын және жоғары білім нәтижелерін айқын көрсетті. Лицей жұмысының тиімділігі «Үздік орта білім беру ұйымы – 2024» конкурсында жеңіске жетуімен, қалалық инновациялық мектептер рейтингінде тұрақты түрде үздік үштік қатарынан көрінуімен, сондай-ақ білім алушылардың облыстық, республикалық және халықаралық деңгейлердегі елеулі жетістіктерімен дәлелденеді.

Лицейдің басты мақтанышы – педагогикалық ұжым. Бұл – кәсіби шеберлігі жоғары, жаңашыл ойлайтын, білім беру идеяларының көшбасшылары әрі Әдістемелік орталықтың сенімді серіктестері болып табылатын білікті мамандар қауымы.

Мерейтойлық іс-шара аясында Әдістемелік орталық директоры Р.С. Сәркен педагогтар Новикова О.Н., Никулин С.В., Малая А.А., Арендаренко Т.В. және Слапинскене Н.Э.-ге олардың білім беру саласына қосқан үлесі, кәсібилігі және белсенді ынтымақтастығы үшін «Алғыс» табыс етті.

Алдағы уақытта лицейге батыл бастамалар, дарынды білім алушылар, берік кәсіби команда және жаңа жетістіктер тілейміз!