📌 2026 жылға арналған мемлекеттік аттестаттауға дайындық бойынша облыстық кеңес
Облыстық кеңес аясында білім беру ұйымдарын 2026 жылғы мемлекеттік аттестаттауға дайындаудың негізгі мәселелері қарастырылды.
Әдістемелік орталықтың директоры Сәркен Р.С. 2025 жылғы мемлекеттік аттестаттау нәтижелеріне талдау жасап, «Тірек» облыстық жобасының іске асырылу барысын, сондай-ақ білім беру ұйымдарының дайындық сапасын арттыруға бағытталған мобильді әдістемелік топтардың қызметі туралы баяндады.
🔹 Білім беру саласындағы бақылау департаментінің мемлекеттік бақылау және білім беру қызметін лицензиялау бөлімінің басшысы Панарина М.А. нормативтік-құқықтық базаға енгізілген өзекті өзгерістер мен талаптарды түсіндіріп, аттестаттауға дайындық барысында жиі кездесетін тәуекелдер мен бұзушылықтарға назар аударды.
🔹 Әдістемелік орталықтың әдіскері Балтина Е.В. инклюзивті білім беру мәселелерін қозғап, ерекше білім беру қажеттіліктері бар білім алушыларға жағдай жасау, құжаттаманы жүргізу және оларды сүйемелдеу бойынша тәжірибелік ұсынымдар ұсынды.
🔹 Әдістемелік орталықтың әдіскері Даниярова А.Ш. мектепке дейінгі білім беру ұйымдарын мемлекеттік аттестаттауға дайындаудың ерекшеліктеріне кеңінен тоқталып, ішкі өзін-өзі бағалау мен білім беру ортасының сапасының маңыздылығын атап өтті.
🔹 Ақпанова М.Ж., КММ «Мамлют орта мектебі №2» директоры, мемлекеттік аттестаттаудан алғаш рет сәтті өту бойынша жүйелі дайындықтың тәжірибесімен бөлісіп, басқару командасының рөлі мен мектепішілік өзара әрекеттестіктің маңызын атап көрсетті.
Кеңес қорытындысы бойынша білім беру ұйымдарын мемлекеттік аттестаттауға дайындау сапасын арттыруға бағытталған әдістемелік сүйемелдеудің басым бағыттары айқындалып, тиісті ұсынымдар қалыптастырылды.
