«Білім шамын жаққандар» атты облыстық салтанатты іс-шара – білім шырағын жаққан жандардың мерекесі!

Кітапханашылар күніне орай ұйымдастырылған «Менің мамандығым – кітапханашы» кәсіби шеберлік байқауы аясында облыста «Білім шамын жаққандар» атты салтанатты іс-шара өтті.

Мереке кітап пен руханиятқа өмірін арнаған, білім мен ізгіліктің шамшырағына айналған кітапханашыларды бір шаңырақ астына жинады.

«Оқуға құштар мектеп» және «Оқуға құштар колледж» жобаларының аясында кітапхана ісін дамытуға айрықша үлес қосқан, кәсіби шеберлігі жоғары, шығармашылық көзқарасы мен өз ісіне адалдығын көрсеткен кітапханашылар Әдістемелік орталықтың Алғыс хаттарымен марапатталды.

Ерекше алғыс сөздері кітапхана ісінің ардагерлеріне арналды — сан жылдар бойы білім нұрын сақтап, мыңдаған оқырманға кітап әлемінің есігін ашқан жандарға.

Мерекенің музыкалық көріністері ерекше шабыт пен қуаныш сыйлады. Көрермендер Ақан сері атындағы облыстық филармония әртістерінің орындауындағы ән мен би нөмірлерін зор ықыласпен қабылдап, залды жылылық пен жақсы көңіл күйге бөледі.

Мерекенің қорытындысында естелік фотосессия өтіп, жылы лебіздер мен шынайы эмоциялар ағыны орын алды. Бұл жарқын әрі рухани шараның әсері қатысушылардың жүрегінде ұзақ сақталары сөзсіз.