Аймақтық облыстық семинар

2022 жылдың 8 желтоқсанында Уәлиханов ауданынының Кішкенекөл №1 орта мектебі базасында Білім саласындағы әдістемелік жұмыс және ақпараттық технологиялар орталығының ұйымдастыруымен «Кәсіби нетворкинг жағдайында педагогтың зерттеу мәдениетін жандандыру» тақырыбында облыстық  диалог алаңы өткізілді.
 Іс-шараның мақсаты: Тиімді зерттеу іс-тәжірибесін құру үшін мұғалімнің кәсіби құзыреттілігін арттыру.
Аталмыш шараға Ақжар және Уәлиханов ауданының қырықтан астам педагог-зерттеушілері қатысты.  Тақырып бойынша диалог аланың қатысушы спикерлері зерттеу мәдениетін жандандыру бойынша өзекті мәселелерге тоқтап, интербелсенді әдіс-тәсілдерді қолданып, өз тәжірибелерімен бөлісіп, Lesson study зерттеу әдісінің мұғалімдердің кәсіби біліктілігін көтерудің, білімін жетілдірудің, тәжірибе алмасудың оңтайлы әдісі екеніне көз жеткізді.
Диалог алаңы соңында кері байланыс жүргізіліп, қатысушылар шарадан өздеріне көптеген пайдалы ақпараттар алғандығы туралы және осындай кездесулердің жиі өткізілуі туралы ұсыныстар жасады.