Әрдайым біз кішкентай бүлдіршіндермен шынымен қызықты, ерекше тұлғалар жұмыс істейтініне көз жеткіземіз. Жамбыл ауданының "Айнагүл" бөбекжай-бақшасының тәрбиешілері үшін қызметтің перспективалық бағыттарын талқылау, өз еңбектерінің жемісімен бөлісу дәстүрге айналды. Бүгін педагогтар "Мектепке дейінгі тәрбие мен оқытудың үлгілік оқу бағдарламасын іске асыру"ерте даму институтының онлайн курстарының тыңдаушылары үшін тағы да өз тәжірибелерін ұсынды. "Айнагүл"бөбекжай-бақшасының педагогтері Ұлытау облысының тәрбиешілеріне мектеп жасына дейінгі балалардың коммуникативтік дағдыларын дамыту бойынша пайдалы кейстерді таныстырды. Мұғалімдер қызықты қойылымдары арқылы әріптестеріне стандартты емес тәсілдер мен прогрессивті шешімдерді шебер көрсете білді. Балабақшаның шығармашылық ұжымы өз қолымен жасалған дидактикалық материалдарды кеңінен қолданады. Ұсынылған «Мобильді кітапхана» осындай инновациялық техниканың озық үлгісі болып табылады.