Білім беру саласындағы әдістемелік жұмыс және ақпараттық технологиялар орталығы 2021 жылғы 6 қаңтарда Қызылжар ауданындағы «Парасат» мектеп-лицейінің педагогтарына арналған онлайн-семинар практикум өткізді.

Семинар барысында талқыланған негізгі мәселелер:

• авторлық бағдарламалар мен әзірлемелер бойынша педагогтарды әдістемелік сүйемелдеу;
• педагогтердің кәсіби құзыреттілігін арттыру.

Семинарға қатысушылар үшін Республикалық «Үздік авторлық бағдарлама» байқауының жүлдегерлері Әбу Досмұхамбетов атындағы облыстық дарынды балаларға арналған мамандандырылған гимназия-интернатының қазақ тілі мен әдебиеті пәні мұғалімдері Есқалиева Айнагүл Жұмабекқызы және Абилова Жанар Жаметқызы өздерінің педагогикалық тәжірибелерін ұсынды.

Жұмыс барысында мұғалімдер авторлық бағдарламаларды әзірлеу кезінде жиі жіберілетін қателерді талдап, оларды жоюдың негізгі кезеңдерін анықтады.

Соңында қатысушылар үлестірме материалдарға сілтемелер және туындаған сұрақтарға жауаптар алды.