Мектеп оқушыларының арасында Абай және Шәкәрім шығармаларын насихаттау, олардың шығармашылық қабілеттерін дамыту және қолдау көрсету мақсатында, 2016 жылғы 8 - 10 қыркүйекте Шығыс Қазақстан облысының Семей қаласы, Абай ауданы «Абай және Шәкәрім» мемориялдық кесенесінде жалпы білім беру ұйымдарының 5-11 сынып оқушылары арасында XVII республикалық Абай оқулары өтті.  Абай оқуларының ақтық кезеңіне Солтүстік Қазақстан облысы бойынша 6 оқушы қатысып, келесі марапаттарды иеленді: «Өлең - сөздiң патшасы, сөз сарасы» номинациясы бойынша Шал ақын ауданы, Жанажол орта мектебінің 8-сынып оқушысы Аюпова Данагүл  ІІІ орынды иеленді; "Жүйрiктен жүйрiк озар жарысқанда" номинациясы бойынша Айыртау ауданы, Дәуқара орта мектебінің 9- сынып оқушысы Әлібеков Заманбек "Ең үздік ауыл оқушысы" номинациясының иегері атанды;  Алғыс хаттармен Петропавл қаласының №7 орта мектебінің 8-сынып оқушысы Қозы Аққу, Петропавл қаласының   № 8 орта мектебінің 8-сынып оқушысы Кадимова Карина марапатталды.